قصة طنــــط
شخصيات الأحداث:
حموده : شب متكتك و اولالا...... عمرة 20 سنه.....وحداني عند المامي والبابي.....ما الو حدا الا بوتشي(الكلب تبعه) وتتيانا(حبيبة قلبه) والبورش اللي جابلو اياها البابا بعيد ميلادو ال10 (الله يرحم ستك لما كانت تركب الحماره وهيه رايحة الترعة)
تاتا : صاحب حموده الإسم الأصلي طارق لكن الدلع تاتا(طاطا)
تتيانا : حبيبة حموده وما الو غيرها وهيه عاد مش شايفته اصلا
ميزو : صاحب حمودة بالشلة(برضه اسمو الأصلي مازن بس هاد الاسم الفني)
لارا:صاحبتهم بالشلة....بنت امورة وسبور ولابسة من غير هدوم....بس يا الله شو انها ستايل(يرحم جدك وهو لابس دشداشة مرقعة)
سوزي : كمان صاحبيتهم بالشله....بنت كتيركربوجة
سهيلة : بنت حفرتلية بتحب حموده بالجامعه وهو مو معبرها
المامي والبابي : مش موجودين اصلا دايما طاشين!!
الحلقة الأولى:
المشهد الأول(الشلة قاعدين عالسكوير بالجامعة حمودة وتاتا وميزو ولارا وسوزي)
تاتا: مالك حمودة.....واتس اب.......وين سرحت؟؟؟
سوزي: اكيد بفكر بتاتي(تتيانا) خلس حمودة...لا تفكر فيها.....دونت كيير....هيه اسلا ما بتستاهل....دونت ووري...اسلا البنات كلهم بتمنوا نزرة منك!!!
(في هذه اللحظه سهيله تراقب من بعيد وتتحسر عا شبابها وعالعشر ليرات اللي صرفتهم لجابتلها هدمة جديدة عشان يلاحظها حمودة)
حمودة: نووو......بليز.....لا تحكوا عن تاتي هيك...هيه اسلا بتمر بفترة انتقال للمشاعر ومش عم تعرف شو بتعمل(اسم الله عليك افلاطون)خلس غيروا المودوع.......شو...وين السهرة اليوم؟؟
ميزو : اتفقنا نروح عالبلو فيج.........مع انو تلعت روحنا منو قد ما بنروح عليه...اففف(مع حركة بايدو وهو برفع شعراتو عن وجهوا)
لارا: تيب اي ساعه؟؟؟بليز خلوها بكير لازم اروح بكير اليوم عشان ما لازم اتأخر....بابي ساير هالأيام كتيير ستريكت
حمودة : زي دايما عال 11 بنروح....بس لا تخافي قبل الساعة 1 بتكوني بالبيت
تاتا : معلش لارا لا تزعلي مني بس يعني البابا معو حق.....سيريسلي.....هالأيام الدنيا سارت بتخوف وما في امان...ويعني عشانك بنت وسمعتك بالدنيا(خايف عليها يقبرني)
سوزي : تيب تبيب....ما قلتولنا كيف رح نتلع؟؟؟؟؟؟بدكم تتلعوا بسيارتي ولا مع مين؟؟
حمودة : بنتلع بال x5 تبعت حمودة.....وبالبيتل تبعت تاتا....سبايا بلاش تجيبوا سياراتكم.....اتس اوك
تاتا : بس البيتل اليوم خربانة....معلش لو جيت بالفور ايز تبعت بابا؟؟
لارا : لأ شو؟؟؟نو وييي....بدك يحكوا عنا ختايره؟؟؟ بليز ما بتيق هالسيارة يقتعها شو معتة...خلس انا بجيب الفور ويل تبعتي وخلس....
حمودة:اوك اتفقنا.......بنشحت (بنشحط) شوي عا دوار عبدون وبعدين بنكمل عالبلو فيج اوك؟؟؟
الكل:اوك
ويتفرقوا كل لمحاضرته.
المشهد التاني(بلو فيج)
سوزي :اففف هالأغنية شو سارت فايعة...وين ما نروح بحتوها.....ساروا حتى اللي بالجاردنز يحتوها....(تقولي قرفانة من مخيم الجاردنز)
تاتا: عاد اغنية هاي اول ما تلعت كنت كتير بحبها بس لما سار الكل يسمعها كرهتها...يالله الواحد ما بقدر يستفرد باشي؟؟
حمودة : شو ميزو.......لساتك عا موبايلك القديم؟؟؟ما بدك تغيروا؟؟؟؟دخيلك حتى الشفير تبعنا سار عندو نوكيا 6600!!
ميزو : والله حتى مامي سارت تقرف منو وشفقت علي... بس خلس هاد الموبايل بحببو كتير الو زكريات معي(تقول صاحبته ولا حبيبته)
لارا : شباب شباب تجمعوا سوا بدي آخدلكم سورة سناب شوت......يلا ون...تو ....ثري.....ياي شو كوول السورة
سوزي : يي عليك يا تاتا ليش هيك نكشتلي شعري بالسورة؟؟؟؟(والله و ماخد عليها عين)
(فجأة تدخل تاتي البلو فيج وتمشي مع صاحبها وتجلس امام طاولة حمودة وتجحره جحرة اخت شلن)
ميزو : اه حموده خليك معي .....ايش رأيك نتلع نزبتلنا كمن بنت ونيجي؟؟
طبعا حمودة وقف قلبه بطل يرسل ولا يستقبل!!!!!وترقرقت الدموع في عينيه.........................
لارا : لا حمودة....لا تبكي.....بي ا مان........روح عندها وقلها انك مو عاجبك اللي بتساويه
ويقوم حمودة ولا يعتب....ويمشي نحو تاتي....
يمشي..................
خطوة....................
خطوة....................
خطوة....................
بوووووووووووووووووووووم
يقع حمودة على وجهه امام طاولة تاتي و صاحبها....................
تضحك تاتي وصاحبها وتقول: يييييييييييييييييييييييييييييييييييييييييييييييييي ي
لااااااااااااااااااااااااااااااااااااااااااااااااا ااااااااااااا
تاتا : حموووووووووووووووووووووووودددددددددددددددددددددةةة ةةةةةةةةةةةةةةةةةةةةةةةةةةةةةةةة
يخرج حمودة من الكافيه......ويهرب..........نعم.......قرر............لا تراجع...........................صمم.................هذا هو الحل
حمودة قرر يرجع عالبيت وما يطلع من غرفته.........
ما رح يحكي مع حدا...................................
ما بدو يشوف حدا..........حتى بوتشي حبيب قلبه
فقرر ينتحر!!!!!!!!!!!!!!!!!!!!!!!!!!!!!
الاسبوع الجاي
الحلقة التانية انشاءالله
الإثنين 04 أغسطس 2008, 12:53 am من طرف 
ما في غير هيك